188. — Августа 6. Грамота Никона Патриарха к духовным и мирским всякого чина и состояния людям. — О принятии предосторожностей от моровой язвы.

Никон, Божией милостию Архиепископ царствующаго великого града Москвы и всея Великие и Малые и Белые России Патриарх.
Всем, повсюду и коемуж до особно пребывающим, священным и честным Архиереем, Архимандритом, Игуменом и всему священному причту, и всем благородным Боляром и прочим всем всякого чина и возраста, мужеска полу и женска православным Христианом, возлюбленным во Святом Дусе чадом нашим, благодать, мир и милость от Вседержителя Бога Отца, и единородного Его Сына, Господа нашего Иисуса Христа, и утешителя Святаго Духа, и наше благословение и молитва!

Настоящего времене, нынешнего o создания мира 7164 (1656) году, а от еже по плоти Рождества Господа Бога и Спаса Иисуса Христа 1656 году Августа в 6 день, известно буди вам, яко во многих градех моровое поветрие есть, а от чего, то един Бог свитый весть и никому о сем знати не належит, разве, еже глаголати, яко не бывает злоба, сиречь скорбь, ни во граде, ни в селе, аще не Господь попустит, еже гладь, губительства, недуги, и язва и иная, о них же, много зде писати не належит.
Ныне же грех ради наших, и зде во царствующем граде Москве обявилось поветрие, не во едином месте, но мы, яко же нам належит, должны есмы сами о себе и о людех молится и плакатися пред Господом Богом, дабы Господь со всеми нами сотворил святую свой милость, и вас коегождо вкупе, и особио молим о своих мимошедших и о настоящих прегрешениях каятися и грехи своя святым, чистым и с поведанием очистити, и молитвой и постом со слезами праведный гнев Божий уставите, что священным правилом, повелевающим преданные Церкви четыре посты опасно храните молим постимся, на непостящих бо ся глаголет правило Святых Апостол 69 сице:

Аще который Епископ, или Пресвитер, или диакон, или поддиакон, или чтец, или певец в 40 дней, сиречь в великий пост, не постится и в прочие посты и во все лето со всякие Среды и Пятки, да повержен будет. Аще же мирский человек не постится, да отлучится.

Тем же всяк от вас, яко сын Восточные Церкве, по силе да постится, и елицы по разсуждению отец своих духовных, аще достойной явятся пречистых и животворящих Тайн тела и крове Христовы, да причастятся. Аще ли по сем нашем завещании кто от злоб не отступит и святым исповеданием, и постом, и молитвами не присвоится Господеви, и по разсуждению отец своих духовных святых Тайн не сподобится, и обрящет его Бог, якова обрящет, по реченному во Пророце: в чем тя застану, в том тя и сужду. И паки глаголет Господь Вседержитель Пророком к пастырем: Возопии рече крепостию и не пощади, и яко трубу вознеси глас свой и возвести людем моим грехи их. И паки: Сыне человечь стража дах тя дому Израилеву, да слышиши слово от устен моих, и возпретиши им от мене, внегда глаголю беззаконнику, смертию умрешиу и не возвестишься ему ни соглаголеши, яко остатися беззаконнику и обратитися от пути его, яко же живу быти ему и беззаконник же той в беззаконии своем умрет, крови же его от руки твоея взыщу, и ты же аще возвестиши беззаконнику, и не обратится от беззакония своего, и от пути своего беззаконна той беззаконник в беззаконии своем умрет, ты же душу свой избавиши. И еще: Рцы пастухом! се глаголет Адонаи Господь: оле пастуси Израелеви, еда пасутся пастуси сами, не овцы ли убо пасут пастуси? Се млеко ядясте и вольной одевает вся, и тучное заколасте, а овец моих не пасосте, изнемогшего не подясте, и болящего не уврачеваете, и сокрушенного не обязаете, и уязвленного не зарастисте, и плавающаго не обратисте, и погибшего не поискаете. Сего ради мы, яко же лепо пастырю, по Господни заповеди, возвещаем вам, возлюбленная чада, да по заповедем Господним шествующе, пост и молитву с любовию Господней имуще, к животворящим Тайнам приступите, в преумножение всех благих, и помощию того самого Иисуса Христа от мороваго поветрия, елико мощно, себя блюдите. Аще ли кто от вас нерадения ради о сих облепится, да весть таковый, яко чист есмь аз от всякого поречения, сказав вам волю Господню, о вашем здравии и спасении пекийся. Тем же убо вси вы любезная чада покаянием и молитвой, естественную Божию милость на щедроты пременити потщитеся, и с помощию Его, елико мощно, опасно от мороваго поветрия ходите, зане еже опаство от сего поветрия с помощию Божией имети добро есть и благоприятно, яко же и святый великий Афанасий свидетельствует ко Князю Антиоху в сороковом и во сто третьем ответе, глаголя сице:

Вопрос 102. "Откуду бывают смертная, и чесо ради в некоих странах пустынных, языческих многажды не бывают, но яко же на мнозе во вселенных и многонародных градех и многовестных?"

Ответ: "Глубок воистишну вопроса ответ, и малым на земли вмещаем, обаче же яко же глаголет Господь: Вмешай, да вместит. Аще бо рцем яко многажды и от звезд тлетворных, и прахов, и зловония мертвечин, и дождев летних, и воздымлений, и воспарений земных и морских, недуги телесные, и тля, и смерти бывают: абие ненаученнии нецыи сопротивляются нам, аки безпромысленная, я же в нас глаголющим. Их же некиих и вопросити хощем. Рцыте нам о сии! Како во граде некоем смертно бывает, из града же оного суть во иных стражах две, или три тысящи купльствущих мужей, и никто же от них скончася? Аще бо Божий гнев на град он приспе, подобаше весьма и далече сущим гнева вкусити: аще же и не всем, но любо неким, от них обаче да не дамы извета, сия ищущим, глаголем: яко многажды ова убо от смертных и по Божию крещению бывают, ова же и но звезд и прочих вин изветом, яже предрехом, яже яко наиначе развевают младенцы, яко немощнии. Обаче и звезд и воздымлении Творец есть Бог, рекий: Не две ли птице продаются на Ассарий, и едина от них не падет без Отца моего, иже на небесах: ваши же и власи главнии вси изочтени суть."

Вопрос: "Еда же пользуется, или избавляется от смертного из града во иную страну бегая?"

Ответ: "Пророку к Богу глаголющу: "Камо пойду от духа твоего и от лица твоего камо побежу? Явленно убо, яко Бога убегнути никто же может, аще же воздух некий, или ила тварь вина есть губительное творящая, негли избегает тоя во иную страну пришед." До зде убо блаженный Афанасий."

Но и Христос Спаситель, наказуя нас, не пометати себе самых в напасти, овогда убо от Ирода не требуя бежати, бегаша, овогда же хотящим нань непокоривым Жидом камение метнути, прощед сокровенно посреде их, прохождаше, глаголя: не у прииде час мой. Овогда же хотящим его с горы низринути, такожде утаился от жестосердных прохождаше. Ему же подобная и ученик его Павел Апостол творяше. Овогда убо от сонмища, хотящаго его убити, оконцем по стене свешен, овогда же, сотником возхищен бысть, и избеже ловления. Иногда же иными образы, да не сопротивен явится учителю Христу, спасение себе устрояше. И отсюду явленно, яко не лет каждому себе самого в напасти пометати, аще бо в напасти себе самех пометающии оправдятся, убо и тии оправдятся, иже в пучину себе самых ввергший ради потопления, и оружие в себе самых подкнувшии. Аще бо на весь град гнева Божия пролияние было бы, еже дано будет, то ни какоже ни где же укрытися мощно. Было бы, яко же бе и на Фараона с вой при Моисеи потопление, или в Самарии при Осии Царе Израилеве. Ассириане, занеже не восхотеша прияти закон Божий, львы поядоша, и ни где же от них кому мощно бяше скрыться, но всюду львы я пожираху. От онаго же поветрия, аще бы убо было невозможно нигде же убегнути, или и бежати от того было бы беззаконно, не бы Святый Дух Афанасиева уста, на возвещение о сем всякому православному подвиг, яко же и ныне благодатией Божией видимо есть на сотворших прохождение от Москвы, во время мороваго поветрия, иже бо на Бога надейщеся и Евангельскому велению бежати от града во град от напасти повелевающу последующе, и Пророческое речение Науме имуще: Ступайте люди мои выйдите в клеть свой, затворите дверь свой и укрыйтеся в мале елико елик дондеже мимо идет гнев Господень. И великого церковного Учителя, Афанасия великого, выше зде написанному, наказанию не противишася и во время, бывшего тогда, морового поветрия, яко же от Москвы, сице и от иных градом в здравые места прохождение сотвориша. И тамо, дондеже мор мимо и де, пребышатий, яко исполнители Евангельских велений, милосердием Божиим и ныне здравствуют, заповеди спасительные исполняюще и присно поучаются на Богоугодная деяния, и о спасении своем от оные язвы хвалу Творцу своему воздающее а иже непослушанием своим прохождение сотворити не восхотеша, и не точию самих себе от совести прельщаемы в вольную и непотребную напасть вринуша, но и прочим многим ненаученным ложная видения и лукавая сония сказующе, и сими тех прельстивше, лютой той язвой своевольне тех уморити сотвориша, за них же воспримут месть от Вседержителевы руки, мню, не меньше убийц, вместо бо еже от погибели братию восхищати, смерть тем самодовольну страстным си разсказанием прияти смыслиша, и еще и ныне буии о сем своем злом дерзновении не стыдятся и сами сопротивны Евангельскому веленью и Афанасиеву праведному наказанию, паче же всей Восточной Церкви суще. Еже бо Афанасий мудрствует, сие и вся православная Церковь исполнителей Христовых словес и блаженного Афанасия наказания совершителей дерзностне укоряет, и неправедне и себе самых от многия буести во исполнении злобы своея похваляют, по реченному Пророком: мужаемся глаголюще и противимся, сиречь мужаемся в своем сопротивлении и истине никогда же хощем покорится. И что много глаголати? Обличает бо сих Сам Вышний промысла своего исполнением: егда бо умножися пред ним злоба людей Содомских и Гоморских, тех убо за беззакония во градех их огнем и жупелом на показание непокорным потопи, а его же восхоте от погубления спасти, праведного глаголю Лота, не во граде, но извед его оттуда вон, спасе. Сим путь спасения показа, яко еже от губительства бежати не точию несть грех, но и воли Божия исполнение, и что к сему отвещают они противницы, иже сами себе и иных в лютую язву вметати нудящиися? Воистину ни что же. Аще ли кто лукаво и се помышляет, он яко же хощет, да творит. Нецыи же в мимошедшия лета, сами себе не внимающе, ни хранящееся сего и от того размножая, грех ради, язва, и яко молния во всю Россию простреся, и колико душь православных Христиан той лютой язвой скончашася! Мнози же за умаление Иереов, ниже спутника доброго нашего, пречистаго тела и крови Христовы сподобишася. Ныне же всем вам предшествуем, и не точию нынешней грех ради язвой к подвигу доброму возставляем и поститися и молиться велим, но всегдашним Господним повелением устрашаем, еже речеся во святом Евангелии: Бдите и молитесь, яко не веете в кий час Господь ваш прийдет. И паки: бдите и молитеся, да не внидите в напасть. А еже в та же мимошедшал лета в моровое поветрие мнози купно и особь собирающееся о нас глаголаху неподобная, и грехи наша поминают, их же мы не точию не содеяхом, но ниже во сне помыслихом, и отхождение наше от царствующаго града Москвы, еже бысть по указу Великого Государя Царя и Великого Князя Алексия Михайловича, всея Великие и Малые и Белые России Самодержца, за благоверной Государыней нашей Царицей И Великой Княгиней Марией Ильичной, и за сыном Его Царского Величества за Государем нашим Царевичем и Великим Князем Алексием Алексиевичем, виновна творят, буди им милость Божия, и не постави им Господи греха, аще ли же живые, или отшедшие, понеже требуют отшедшие уже не имуще упования, но инии дерзающе на ся восхищати суд Божий и судят искренних, их же отречеся ныне сам Сын Божий, глаголя: Аще кто услышит, рече, слово мое, и не приемлет е, Аз не су жду ему: не приидох бо, да сужду мирови, но да спасу мир. Отметаяся глагол моих имать судящаго ему Слово, еже глаголах, то судит ему в последний день. Тии же, который на нас не удовлившеся сим, но и ложная от лукаваго сердца видения и сония пред очи простейших предлагаху, простии же и ненаученнии не ведуще полезного, и внимают баснем их крамольным и бесовским и ложным их пророчествам, о них же Божественный Апостол предвидев, глаголет: Внимающее рече, духовом лестчим и учением бесовским в лицемерии лжесловесник, сожженных своей совестию. Мнози бо тогда не внимающе правому велению и оных крамольников лживых баснословий напившеся клеветаху, об на сего, ов же на иного, яко повинных творяще моровому поветрию, и мнози бесом прельщении пророчествоваху ложная, и о них же всем то явно, яко ни что же от глагол их ложных сбысться, точию себе губяще и братию свой, и на Бога хуляще, аки им извещение бысть се и се от Бога, да человецы то сотворят, на таковых бо лживых Пророк Божественный глас вопиет сице. Сие рече Господь сил: не хощете послушати словес Пророк, иже пророчествуют вам и прельщают вас. Видение сердца своего глаголют не от уст Господних, ревут сим, иже хулят мя, глаголал есть Господь: мир будет вам и всем, иже ходят во строптивстве сердца своего у рекоша не приидет на нас лукаво. Кто бо бысть в совете Господни, и виде и слыша словеса его? Кто помысли слово того и слыша? В последние дни уразумеете совет его. Не послал Пророки, а они течаху, не глаголах к ним и тии пророчествоваху: аще бы стали в совете моем, и возвестили словеса моя людем моим, отвратил бых убо я от пути их злаго, и от помышлений их строптивых. Еда мниша, яко точию от близка Бог, язя есмь, рече Господ, а не Бог отдалена, аще утаится муж в сокровенных, и аз не узрю его, рече Господ: еда небо и землю не аз наполняю, peчe Господ, слышаху иже рекоша пророцы пророчествуют во имя мое лжу, и рекуще: видех сон, видах сон, доколе то есть в сердцы пророков, прорицающих лжу, и пророчествуютщих мщением сердца своего. Что хотяще творити, да забудут люди мол имя мое ради сония их у иже вещают един кождо искреннему своему. Пророк, иже имать сновидение, вещает сновидение. И иже имат слово мое у глаголет слово мое истинно у что плевел ко пшенице, рече Господ: еда словеса моя не сут яко огонь горящий, рече Господ, и яко млат сотрыющий камень. Сего ради се аз к пророком рече Господ, иже крадут словеса мол един кождо от искренняго своего. Се аз к пророком, рече Господ, иже восприемлют языки своя и глаголют, peчe Господ: се аз на пророки мечтающие лжу рече Господь, иже провещаша та, и прелстиша люди моя во лжу свой и в чудесах своих, яко аз не послах их, ни запобедах им: они же ничто же у спеша, людем сим рече Господ, и паки рече Господ: да не препирают вас лживи пророци, иже в вас, и не послушайте снов своих, яже вы видите, яко неправедны тии прорицают вам во имя мое, а не послах их. До зде словеса, яже Бог глагола чрез Иеремию, на обличение и нынешних лживых пророков, иже лживе вопияху к люден, и не утверженых сердца своим лукавым умышлением возмущающе, и глаголющим видех сон, видех сон, и извещение се, и сие приях от Бога, дабы многих в след себе отторгнули, и мнози тому последующее по их разсказана погибоша, и ни что же бысть на пользу, точию небрегу ще себе смущающеся вси тем огнем обяти лютую язву умножаху. И не дивитеся, чада мои, сим реченным, не от себе бо к вам сия глаголю, но Божиим Пророком на обличение оных лживых сновидцев словеса и великого Афанасия Александрийского, его же святая православная Восточная Церковь столп православия имеет. Аще кто веруя сим да творит, яко же той пишет во 102 и во 103 главе: аще ли кто не покоряется, то да творит, что хощет себе и прочим, аще ли неимущий благодати Божия, ниже боящеся Божия прещения, начнут вещати в предидущее время ложная вещания и сония, их же по Пророку Бог до конца отрину, заповедуя никакоже послушай сих, не приемлете сих, и глаголемых от них никакоже веруйте, зане сопротивна суть Богови: и аще кто хощет присвоитися Господеви, да никако же верует от оных лживых пророк, сновидцев глаголемых, и не точию да не верует им, но и обличает их скоро, яко противников Божиих и антихристов, о таковых бо Апостол вещает: яко и ныне мнози антихристы суть, от нас бо изыдоша: но аще бо убо были от нас, пребыли убо беша с нами: но да явятся, яко не быта с нами. Да приводит к нам пастырю, мы же данной нам от Великого Архиереа Иисуса Христа, истинного Бога нашего, властно вязати и решити подобающее обличение на таковых лжесловницех наложим по преданию святые Восточные Церкви, к таковым бо лукавым лжесловным сновидцем сам Бог вещает Пророком: Грешнику же рече Бог: вскую ты поведаеши оправдания моя и восприемлеши завет мои усты твоими? Ты же возненавидел eси наказание и отвергл eси словеса мол вспять. Аще убо Бог на таковые сице вопиет, кто смеет с ними советуйся, разве Богу сопротивлялся? И отсюду явлено, яко не точно не внимати лет есть лжесловию оных лживых сновидцев, но и блюстися их, яко губителей покрадывающих яко незлобивая, подобает. И се сам Христос Спаситель, предвозвещая нам, да не прельщены будем от них, глаголет: Блюдите, да никто же вас прельстит, мнози бо придут во имя мое глаголюще, аз есм Христос, и мнози прельстят, и будете ненавидимы всеми, имене моего ради, и тогда соблазнятся мнози и друг друга предадут и возненавидят друг друга, и мнози лжепророцы востанут и прельстят многих, и за умножение беззакония изсякнет любы многих у претерпев же до конца, сиречь пребываяй во учении Христове и не послушали по Евангелию оных лжесловесных сновидцев и богоненавистного их пророчества ложного, той, яко истинный Христианин, истинного нашего Учителя Христа послушник и ученик, спасется, зане Христос Спаситель, до конца ненавидя лжепророчеств и лукавых сновидении, яко Бог, сим истинно широчайше нам от тех блюстися заповедает, да не словесы льстивыми, якоже и нынешний лживые сновидцы, прельстят нас, сего ради самыми своими пресвятыми усты вещает: Аще кто речет вам: се зде Христос, или онде, не имите веры, еостанут бо лжехристи и лжепророцы, и дадят знамения велия и чудеса, яко жепрельстити, аще возможно, и избранные. Нынешний яме лживии пророцы и сновидцы ничто же чудес сотвориша, ниже творят, разве последующих им сотвориша безвременно и самовольне в беды себе пометати, и многих прежде времени льстивыми своими словесы сотвориша умрети, такожде и сами все умроша, и чудо! Како и сим таковым лживым сновидцем мнози непаказаниии последуют. По реченному Апостолом, мнози, рече, последуют, им же истинный путь, сиречь учение Христово похулится. О них же Христос, самая Истина, единородный Сын Божий запрещает нам, глаголяй сице: Се прежде рех вам, аще убо рекут вам, се в пустыни есть, не изыдите: се в сокровищах, не имите веры. Тако и вы, чада любезные, яко истинные Христиане, истинного сего Владыки нашего Христа повеления никако же прослушайте, и оных лукавых лжепророков и ложных их сновидений и ложных словес отнюдь не послушайте, даже яко заповедей Христовых исполнители, самого того Христа, заповедавшего лжепророчеств и лживых сновидений не послушать мзду многосугубну восприимите, яко яме и древний Христиане, непослушавшии лживых учителей. Бяху бо и тогда лживые Апостолы, хотящий уподобился Христовым истинным Апостолом, но непослушаху их Христиане, постоянно во Христове учении пребывшии, к ним же коемуждо от них Христос Спаситель вещает: Вем твоя дела и труд твой, и терпение твое, и яко не можегии носити злых, искусил ecu глаголющая быти Апостолы, и не суть, и обрете я лжа, и понесле ecu, и терпение имаши, и за имя мое трудишися и не изнеможе. Судите сами, чада возлюбленная, кого вам требе послушати? Они бо лжепророчествующии повелевают вам послушати лукавых своих сновидений, мы же молим вас слушати Христа и Его святых и непорочных велении, и вем, яко всяк от вас восхощет послушати Христа и Его истинных и известных учений, еже и сотворивше здравствуйте, чающе восприяти за доброе свое, еже ко Христу послушание, мзду многосугубну. Но и о сих зде назнаменуем, яко мнози неведуще Божия о них промысла и не воспоминанье своих согрешений, грехи ко грехом прилагают, глаголюще, яко сего ради человека или оного таковая язва бысть в мире, и сие глаголют туне, забывше реченное Богом ко Пророку: Иже аще кто яст терпкое, тому имут быти и оскомины, тако еже кто согрешает, за сие сам и суд восприимет, а не инии за него. А еже искреннего прегрешения воспоминали, ни кому же се не належить, глаголет бо Христос: Не судите, да не судими будете: им же бо судом судите, осудитеся, и вню же меру мерите возмерится вам. Сие слышащее чада, разумейте, кая польза еже искренних судити и не своя грехи смотряти, точию пагуба души и Богу сопротивление, и что сего ужаснее? Сам бо Христос Иоанна Савиитского, внегда он осуди некоего, повеле от себе отринута, глаголя: изрините его, рече, вон, яко антихрист ми есть, прежде моего суда той осуди брата своего. Сего ради молю, чада возлюбленная, престанцте суд Божий на ся восхищающе, искренних судити. Творяй бо се самому Богу противник есть, по вышереченному Христову слову, послушайте Апостола, вещающа: безответен ecu, о человече! Всяк суд ли, им же бо судом судиши другу, себе осуждавши, таже бо твориши судяй: вемы же, яко суд Божий есть на творящих таковая. Помышлявши ли сие, о человеку судяй таковая творящему, и творя сам тожде, яко ты избежиши ли суда Божия ты кто ecu, иже судяй чуждому рабу своему Господеви стоит, или падает. Тем не еже иных Судити, но еже своя грехи зрети, и себе самех осуждати навыкните, ведяще сие, яко мы непрестанно о вас молим Бога, и молитися вас самех молим, но приидите убо вси, яко же тогда и мы, ныне с Богословьем Григорием возопием, и восплачем вси православьи народы, мужи и жены и отрочата, всякого чина и возраста, поклонимся и припадем, и плачем пред Господем, сотворившим нас, воставим обще плачь на возраст и родовы разделившая. Возвысим глас моления, вместо ненавидимого ему кричания, той во уши Господа Саваофа вознесет, предварим гнев его во исповедании, восхощем его видети яко же прогневай, тако и прелагаема. Кто весть, рече, аще обратится и раскается, и оставит по себе благословение? Вем, се яве аз Божая человеколюбия испоручник. И еже чрез естество ему гнева оставль, на еже по естеству обратится на милость. На оного от нас нудится, на се же стремление имать, и аще поражаем и нудим, како не оставит естеством примешаем, точию сами се помилуем праведным Отца милосердием путь отверзше. Сеем со слезами, да в радости пожнем, будем Ниневитяие, а не Содомите. Уврачуем злобу, да не злобой скончаемся, услышим Иону проповедающа, да не огнем и жупелом потопимся. И аще изыдем от Содома, взыдем к горе, прибегнем в Сигор, возсиявающу совнидем солнцу, не станем во всем обсельствии, не озаримся, не огустим тело в соли, тело во истину безсмертно, и укоризну души в злобу обращающияся. Сия убо мой страх и слово, и сице аз болю к язве, и сице и молюся молитвой, юже и приложу реченным: согрешихом, беззакониовахом, нечествовахом, яко забыхом заповеди твоя и в след мысли нашея лукавые идохом, яко недостойле званию и благовесте Христа твоего ножихом, и святых его страстей, и еже нас ради истончания, яко быхом поношением возлюбленному твоему. Священник и людей отпустихом вкупе вси, уклонихомся вкупе и не требе быхом, несть творяй суд и правду, несть до единого, затворихом щедроты твоя, и человеколюбие твое, и милосердие милости Бога нашего, злобы радя нашея и лукавства начинаний наших с ними же ты благ, но мы беззакоиновахом, ты долготерпелив, но мы ран достойны. Вемы твой благость, и мы убо, аки бы неразумеюще ни мало, о их же согрешихом, биеми есмы, ты страшен и кто противу станет ти? Трепет приемлют от тебе горы, и величию мышцы твоея кто противится? Аще затвориши небо, кто отворит? И аще разрешишь двери его, кто содержит? Легко пред очима твоима, обо убо жити и богатити, оживити и уморите, поразити и исцелити, и еже восхотети, деяние есть совершенно, ты прогневася, и мы согрешихом, глаголет некто, от древних исповедуяся. Мне же и сопротивное время рещи, мы согрешихом, и ты прогневася: сего ради быхом поношение соседом нашим, отвратил еси лице твое, и безчестия исподиихомся. Но утоли, Господи, остави Господи, не предаждь нас до конца за беззакония наша, ниже за наших покажеши иных ран: мощно нам иных делма муки уцеломудритися, киих, сих язык познающих тя, и царств, яже твоей державе непокоришася, мы же людие твои Господи и жезл достояния твоего: сего ради накажи нас, обаче благостыней и не яростию твоей, да не малех нас сотворишь и паче всех живущих на земли уничиженные. Сими аз словесы привлачаю милость. Ащели же и всесожженьми или жертвами бы умолите о гневе, ниже и тех убо пощадил бы. Вы же и сами подражайте учителя, ей чада любезная, ей Божественного наказания общницы и человеколюбия, стяжите душ ваших покаянием, слезами, милостыней, любовию, правдой, смирением. Оставите грех, лучше сотворите начинания ваша, преклоните добродетельными священных Евангельских заповедей исполненьми всеще друю утробу Божию на милость, даже неисповедимой Его благостию, зде многодетие, безбедне же и благополучне настоящаго наития время препроводим, и в будущем вечные радости сподобится не лишимся, молитвами преблагословенные Девы Марии, силой честного и животворящаго Креста, и Боговидных Апостол, и великих вселенских Учителей, Василия Великого, Григория Богослова и Иоанна Златоустого, и великих Чудотворцов и Учителей Московских и всея Руссии, Петра, Алексиа, Ионы и Филиппа, и всех святых. Аминь.